Wahl 2018

Unsere Ziele

Allgemein, Schlagzeilen

WIR. MACHEN. UNABHÄNGIG!

Wir wollen ein freies Süd-Tirol!

Selbstverwaltung

Wir können es besser ohne Rom!

Identität

Wir sind und bleiben Tiroler!

Gesundheit

Wir kurieren das Gesundheitswesen!

Zuwanderung

Wir wollen keine Überfremdung!

LKW-Verkehr und Mobilität

Wir bringen den Verkehr auf Schiene!

PERLADIN

Nëus. Fajon. Ndependënc!

Nëus sud-tirolesc ne son nia talians! La purteniënza de Sud-Tirol ala Talia nes à menà te na dependënza politica y ecunomica. L ie unfat de cie che la nen va: canche la vën a chëles, iel ala fin dla finedes for Roma che tol la dezijions. Chësta subordinazion y chësc paternalism ne ulons nia!

, y no mé rujené. Nsci la miena la Süd-Tiroler Freiheit. Nëus son la forza che mëina canche la nen va dla politica populera, de na imigrazion limiteda y cuntruleda, dla cunlaurazion cun l Tirol dl Nord y l Tirol dl Ost, de putenzië l trasport publich, de slesiré la grovaria de transiamënt, de avëi n sistem saniter che va bën y de realisé la zitadinanza dopla.

Vester ndependënc, chësc ie nosc gran travert. Nëus son segures: Sud-Tirol sà da fé miec zënza Roma. Nfintanche tucon mo pra la Talia, nen vàla de defënder l’autonomia y de ghiré l plu che la va na aministrazion autonoma. L’autonomia ie eder mé na soluzion provisora. Nëus ulon l’autodeterminazion, ajache l’autodeterminazion ie l troi per ruvé ala ndependënza.

Identità: nëus son y reston tirolesc!

Da n pont d’ududa storich, culturel y etnich ie Sud-Tirol na pert dl Tirol. Acioche la reste nce nsci, vàl de bujën dla Süd-Tiroler Freiheit. Scebënche on l’autonomia, messons tresora scumbater per nosc dërc. Nëus ulon:

  • Respeté l dërt de adurvé la rujeneda dl’oma y straufé la trasgrescions.
  • Ti dé la prezedënza ai mutons tudësc tla scolines y scoles tudësces.
  • Mantenì l nseniamënt dla rujeneda dl’oma, perchël dijons de no a esperimënc te de plu rujenedes (CLIL).
  • Tò y jì i decrëc fascisć sun i toponims y purté ite, do criters scientifics, i inuemes storics aldò, y tò demez i relic fascisć y i mëter te n museum.
  • Cuncretisé plu riësc che la va la zitadinanza dopla per i sud-tirolesc.

Imigrazion: adurvon regules tleres.

L’imigraziun nes mët nëus sud-tirolesc dan drët de gran ndesfidedes. Nfintanche la Talia fej ora ciun extracomuniters y tanc che dë ruvé te Sud-Tirol, ne n’ons degun cuntrol. L uel vester regules tleres. Nëus ulon:

  • Che la cumpetënza per l’imigrazion ti vënie sëurandata a Sud-Tirol: nëus messon nstësc fé ora chi che vën a sté tlo da nëus.
  • Scirmé ora bel aslune i furesć criminei.
  • Na imigrazion cuntruleda: degun dërt de sujurnanza per imigranc zënza documënt d’identità.
  • Regules tleres per l’integrazion: i imigranc à da se adaté a nosta maniera de vita y a nosta tradizions.
  • Cuntribuc soziei y cëses populeres per extracomuniters mé sce i à laurà y paià ite la cuntribuzions tlo da almanco cinch ani.

Aministrazion autonóma: nëus ti son zënza Roma.

Sud-Tirol ne adrova nia la Talia. Dut cie che pudon manejé nstësc, funzionea miec. Uni ciamp che Sud-Tirol pò aministré nstës, ie n var inant de viers dl’autonomia. Nëus ulon:

  • Sovranità sun chëutes y pensions: i scioldi de nosc contribuënc à da resté te Sud-Tirol.
  • Na polizia raionela sud-tiroleja.
  • Na posta sud-tiroleja.
    Na scuadra sportiva sud-tiroleja.
  • Tò ju l Cumissariat dl Guviern y ti sëurandé si funzions al Sëurastant provinziel.

Sanità: cun nëus devënta la sanità publica inò saninton!

Nosc servisc saniter ie maladic y n sënt che l ie piurà. L mancia dutores; i tëmps d’aspieta ie lonc; dutores che ne rejona nia tudësch y repartizions de nasciuda che stluj. Nsci ne pòssela nia jì inant! Nëus ulon:

  • Mantenì i uspediei raionei cun duta la repartizions.
  • Tëmps d’aspieta plu curc per la vijites y lidëza per i paziënc da crì ora l luech de cura.
  • L’adurvanza dl lingaz tudësch (cunversazions cun i dutores, analises).
  • L recunescimënt automatich de duc i tituli de stude fac tl’Austria, ncurajamënt acioche i dutores jëuni debe inò ëuta te Sud-Tirol y nce furmazion spezialistica per dutores te Sud-Tirol.
  • N servisc de prim aiut che va sëura i cunfins ora y na majera cunlaurazion danter i uspediei tl Tirol dl Nord, dl Ost y de Sud-Tirol.

Trafich de camions y mubilità: nëus menon l trafich sun la scines.

L trafich de camions sëura l Prëner ora crësc for plu y plu. Tres la fuera y i gasc de desćëria se amàlen y la linges d’auti danejea nosta economia. N adrova mesures miredes per smendré l pëis dl trafich. Nëus ulon:

  • Smendré zacotan l trafich de camions sun l’autostreda tres n cunzet dl trafich che tole en cunscidrazion dut l Tirol (aumenté l daz per i camions, ublië a jì cun cërta marcianzia sun scines, pruibì i viages de nuet, lascé passé i camions a tlapedes).
  • N sistem de tarifes uniter per dut l Tirol, sc’che de dì na cherta che vel per dut l Tirol, da adurvé per duc i mesuns de trasport publich tla region europeica dl Tirol.
  • L putenziamënt dl trasport publich: realisazion dla ferata tres l jëuf de Resia, la ferata de Sëuradesc y la ferata dla Val de Turesc cun cunliamënt al Zillertal.
  • Avëi n cunliamënt diret tres la ferata “Railjet“ da Bulsan a Viena y mëter inò a jì l cunliamënt dla ferata Lienz-Dispruch cun la puscibelteies de senté su tl Wipptal y tla Val de Puster.
  • Prutezion contra la fuera isolan l’autostreda cun strutures aposta dlongia i raions abitei.

A la dì en curt: nëus scunon nosc ncësa! Nëus. Fajon. Ndependënc!

Nos. Fajun. Independënc!

Nos sud-tirolesc ne sun nia talians! La portignënza de Süd-Tirol ala Talia nes á condüt a na situaziun de dependënza politica y economica. Belanfat de ci ch’ ara nen vá: Canch’ara vëgn a chëres, ti speta l’ultima parora dagnora a Roma. Chësta subordinaziun y chësc paternalism n’orunse nia!

, y nia ma baié. Chësc é la Süd-Tiroler Freiheit. Nos sun la forza che mëna, canch’ara nen vá de politica popolara, de na imigraziun limitada y controlada, dla colaboraziun cun le Tirol dl Nord y le Tirol dl Ost, de renforzé le trasport publich, da smendrí la tëma dal trafich de transit, d’avëi n setur sanitar che vá bun y d’arjunje la zitadinanza dopla.

Ester independënc, chësc é nosc gran obietif. Nos sun sigüsc: Süd-Tirol sá da fá damí zënza Roma. Tan dî ch’i sun ciamó pro la Talia, messunse defëne l’autonomia y ghiré le plü ch’ara vá n’aministraziun autonoma. Mo l’autonomia é ma na soluziun provisora. Nos orun l’autodeterminaziun, deache l’autodeterminaziun é le tru por rové al’independënza.

Identité: Nos sun y restun tirolesc!

Da n punt d’odüda storich, cultural y etnich é Süd-Tirol na pert de Tirol. Por ch’ara restes insciö, adoron la Süd-Tiroler Freiheit. Ince sc’i un l’autonomia, messunse tres indô combate por nüsc dërc. Nos orun:

  • Respeté le dërt d’adoré le lingaz dla uma y straufé les trasgresciuns.
  • Ti dé la prezedënza ai mituns todësc tles scolines y scores todësces.
  • Mantigní l’insegnamënt dl lingaz dla uma, porchël dijunse de no a esperimënc che tol en conscidraziun deplü lingac (CLIL).
  • Tó y jí i decrec fascisć sön i toponims y porté ite, do criters scientifics, i inoms storics, y tó demez i relic fascisć y i mëte te n museum.
  • Concretisé le plü snel ch’ara vá la zitadinanza dopla por i sud-tirolesc.

Imigraziun: Nos adorun regoles tleres.

L’imigraziun nes mët nos sud-tirolesc dan dër de gran sfidades. Cina che la Talia fej fora, ciügn y tan tröc foresć che dess rové te Süd-Tirol, n’unse nos degun control. Al ó ester regoles tleres. Nos orun:

  • Che la competënza sön l’imigraziun ti vëgnes dada a Süd-Tirol: nos messun instësc fá fora, chi che vëgn a sté chiló da nos.
  • Sciuré fora bel atira i foresć criminai.
  • N’imigraziun controlada: degun dërt de sojornanza por imigranc zënza documënt d’identité.
  • Regoles tleres por l’integraziun: i imigranc mëss s’adaté a nosta manira da vire y a nostes tradiziuns.
  • Contribuc soziai y abitaziuns soziales por imigranc ma sc’ai á lauré y paié ite chiló da almanco cin’ agn incá.

Autoaministraziun: Nos savun da fá damí zënza Roma.

Süd-Tirol n’adora nia la Talia. Döt ci ch’i podun manajé instësc funzionëia damí. Vigni setur che Süd-Tirol pó aministré instës é n vare inant devers dl’independënza. Nos orun:

  • Sovranité sön cutes y ponsiuns: i scioldi de nüsc contribuënc mëss resté te Süd-Tirol.
  • Na polizia teritoriala sud-tiroleja.
  • Na posta sud-tiroleja.
  • N grup sportif sud-tirolesc.
  • Tó jö le Comissariat dl govern y ti surandé sües funziuns al Presidënt dla Provinzia.

Sanité: Nos metun indô a post le setur sanitar!

Nosc setur sanitar patësc y an s’intënn ch’al é peioré. Al mancia doturs; an mëss aspeté dî denanco gní pro; doturs che ne baia nia todësch y repartiziuns de nasciüda che stlüj. Insciö ne póra nia jí inant! Nos orun:

  • Mantigní i ospedai raionai cun dötes les repartiziuns.
  • Tëmps da aspeté plü cörc da jí a fá vijites y la liberté di paziënc da chirí fora le post de cura.
  • Adoranza dl lingaz todësch (conversaziun cun le dotur, analises)
    Reconescimënt automatich de düc i titui de stüde austriacs, incorajamënt por i doturs jogn da gní derevers te Süd-Tirol y formaziun por doturs spezialisá te Süd-Tirol.
  • Sorvisc de pröm aiüt che vá sura i confins fora y colaboraziun plü sterscia danter i ospedai dl Tirol dl Nord, dl Ost y de Süd-Tirol.

Trafich de camions y mobilité: Nos jun cun le trafich sön scines.

Le trafich de camions sön le Prener vëgn tres majer. Le crabal y i gasc fej gní püri y les codes d’auti danejëia nosta economia. An adora mosöres tleres por smendrí le trafich. Nos orun:

  • Smendrí cotan le trafich de camions sön l’autostrada tres n conzet dl trafich che toles en conscidraziun döt Tirol (alzé le daz por i camions, oblié da jí cun certa marcianzia sön scines, proibí i iadi de nöt, lascé ma jí intan de camions al iade).
  • N sistem tarifar por döt Tirol, che oress dí na cherta che vel por döt Tirol, che pó gní tuta por düc i mesi de trasport publich tla regiun europeica Tirol.
  • Potenzié le trasport publich: realisé la ferata tres le ju de Resia, la ferata de Suradesc y la ferata dla Val de Türesc cun coliamënt al Zillertal.
  • Avëi n coliamënt diret tres la ferata “Railjet“ da Balsan cina Viena y mëte indô a jí le coliamënt dla ferata Lienz-Desproch cun la poscibilité da senté sö tl Wipptal y tla Val de Puster.
  • Avëi na proteziun cuntra la vera, isolan l’autostrada cun strotöres aposta dlungia i raiuns abitá.

Da dí en cört: Nos sconun nosta patria! Nos. Fajun. Independënc!

Jetzt ein E-Bike gewinnen
Sanitätsbetrieb: Neuer Korruptionsskandal?

Das könnte dich auch interessieren

Es wurden keine Ergebnisse gefunden, die deinen Suchkriterien entsprechen.